Volkswagen Ducati markasını satmaqdan vaz keçib

0
Moto 13-ноя, 02:14 admin 39 0
Volkswagen konserni italyan motosikl istehsalçısı Ducati şirkətini satmaqdan vaz keçib. Bu barədə xəbəri Ducati şirkətinin rəhbəri Klaudio Domenikaliyə istinadən Automotive News nəşri yayıb.

Alman konserni «İtaliyanın metallurgiya sənayesi fəhlə və qulluqçuları federasiyası» tərəfindən göstərilmiş təzyiqdən sonra Ducati markasını satmaq fikrindən daşınıb.

Həmkarlar ittifaqı şirkətin əməkdaşlarının tərəfində çıxış edərək, şirkətin Volkswagen Group’un tərkibindən çıxmasının əleyhinə olduğunu bildirib. Onların sözlərinə görə, qrupun dəstəyi olmadan Ducati inkişaf edə bilməyəcəkdir.
Audi şirkəti, 2012-ci ildə Ducati markasını keçmiş sahibi Investindustrial firmasından 860 milyon avroya satın almışdı. Keçən il konsern sahib olduğu aktiv və brendləri yenidən nəzərdən keçirərək qeyri-profil aktivlərdən yaxa qurtarmağı planlaşdırdığını bildirmişdi. Analitiklər bu sövdələşməni 1,5 milyard avro dəyərində qiymətləndirirdilər. Bir müddət bundan öncə, Harley-Davidson və hind istehsalçısı Bajaj Auto şirkətlərinin Ducati markasına talib olduğu söylənilirdi.
OXŞAR XƏBƏRLƏR

SOSİAL ŞƏBƏKƏLƏR
TƏQVİM
«    Февраль 2021    »
ПнВтСрЧтПтСбВс
1234567
891011121314
15161718192021
22232425262728
Saytımızı qiymətləndirin